--Ads--
Nairekord ti Bangko Sentral ng Pilipinas (BSP) iti panagdur-as ti domestic liquidity iti 7.6% idi November 2025 nga umabot iti P19.4 trillion.
Ti nasao a panagdur-as ket nababbaba kumparar iti nairekord nga 8.3% a panagdur-as idi October 2025.
Ti domestic liquidity a masumsumar babaen ti M3, ket maysa a nalawa nga indikasyon iti suplay ti kuarta iti ekonomia.
Karaman iti M3 ti kuarta nga agcir-circulate, amin a deposito iti agduduma a bangko ken dadduma pay a financial assests nga adda nangato a liquidity wenno nadaras a masukatan iti cash.
-- ADVERTISEMENT --
Ti kangrunaan a rason iti likod iti panagdur-as ti suplay ti kuarta ket ti dakkel a panagpangato dagiti claims iti domestic sector a nagipakita iti 10.6% a panagpangato.
