--Ads--
Umaboten iti 1,143 a pamilia ti naapektaran ti panag-alburuto ti Bulkang Mayon kas maibasar ti monitoring ti Department of Social Welfare and Development (DSWD).
Dayta ket katukad iti 4,139 a tattao manipod iti sangapulo ket tallo a barangay.
Segun ti ahensya, 1,128 a pamilia iti adda kadagiti evacuation center idinto a sangapulo ket lima a pamilia iti kinaykayatda a makipagnaed iti kabagyan ken am-ammoda.
Naipatuloden ti ahensya ti nasurok P6 million a gatad ti tulong bayat nga agtaltalinaed nga available ti nasurok P3.1 billion a gatad ti relief supplies para kadagiti biktima iti didigra.
-- ADVERTISEMENT --
Iti baet ti agtultuloy a panagalburuto iti bulkang Mayon ket awan pay laeng dagiti pagtaengan a nadadael.
