--Ads--
Maysa a meteor iti nangted raniag iti tangatang iti asideg ti Bulkang Mayon idi Lunes kas pinasingkedan ti Philippine Institute of Volcanology and Seismology (PHIVOLCS).
Inlawlawag ti ahensya a saan a direkta a timmama ti meteor iti bulkan ta nawaran sakbay pay a natinnag iti kadagaan.
Agtaltalinaed nga Alert Level 3 iti Mayon a mangipasimudaag nga asidegen iti rabaw ti magma ken mabalin nga agresulta iti peggad a panagbettak kadagiti sumarsaruno a lawas.
Iti napalabas a duapulo ket uppat nga oras, nairekord ti Phivolcs ti limapulo ket pito a volcanic earthquakes ken 1,124 a tonelada iti sulfur dioxide emission manipod iti bulkan.
-- ADVERTISEMENT --
Maiparit met iti panagserrek iti uneg ti 6-kilometer permanent danger zone iti aglawlaw iti Mayon.
