Nagballaag ti PHIVOLCS a mabalin nga adda manen panagbettak iti Bulkan Mayon idiay Albay gapu iti agtultuloy nga aktibidadna.
Segun ken ni PHIVOLCS Mayon Observatory Resident Volcanologist Doreen Abelinde, agbalbaliw ti formation ti dadduma a paset ti bulkan gapu iti volcanic activity ken nangato met ti sulphur dioxide emission, a mangipasimudaag ti kaadda ti magma iti narabaw a pasetna.
Inlawlawag pay ti opisial a baro unay ti agdama nga aktibidad ti bulkan isu a narigat a maduktalan babaen kadagiti instrumento ken manmano ti senyales sakbay ti posible a panagbettak.
Gapu iti daytoy, agtalinaed ti Mayon Volcano iti Alert Level 3 ken mabilin nga agbakwit dagiti umili iti uneg ti innem a kilometro a Permanent Danger Zone.
Nagballaag pay dagiti otoridad iti peggad ti panagtinnag ti dapo, bato ken makadangran a pyroclastic density currents.
