Agisuot ti body camera dagiti fire inspector ti Bureau of Fire Protections (BFP) para ti building inspections kas addang kontra ti korapsion, segun ti Department of Interior and Local Government (DILG).
Ti addang ket kalpasan a na-relieve ti dua nga opisial ti BFP gapu ti maipagarup a panagawat-da ti kickbacks manipud ti overpriced a fire extinguisher nga immabot iti P30 milyon manipud ti maysa a pasdek.
Segun ken ni DILG Secretary Jonvic Remulla, gimmatang ti ahensia ti 14, 000 body camera tapno makita dagiti garaw dagiti fire inspectors bayat nga agisaysayangkat-da ti operasion.
Nasken a dagus a mairekomenda ti approval ti fire occupancy permit no awan ti nakita a kinakurang.
Innayon ni Remulla nga awan pay ti pinal a listaan dagiti BFP personnel a posible a makasoan iti Ombudsman. Reynand Fontejon
