--Ads--
Madanagan ni Kalookan Bishop Cardinal Pablo Virgilio David maipanggep ti agtultuloy nga epekto iti uram iti landfill idiay Navotas a makaapektar kadagiti kaasidegna a lugar.
Segun ken ni David, mano nga aldawen a maur-uram ti landfill ken naapektaranen iti nakaru nga asok idiay Navotas, Malabon ken Obando.
Segun met ti Bureau of Fire Protection (BFP), posible a nagtaud iti uram ti methane gas manipod iti mabulbulok a basura a kimmaru pay gapu iti marikrikna a nakaru a nabara a panawen.
No man pay awan pay laeng ti pinal a resulta iti imbestigasyon, impaganetget ti cardinal nga umdas ti pagbasaran tapno kwestyunaran ti panangidaulo ti landflill pakairamanan iti pagkurangan ti gas control ken panangsurot kadagiti pagannurotan.
-- ADVERTISEMENT --
