Nadutokan da Executive Secretary Lucas Bersamin, Department of Education Secretary Sonny Angara ken Agrarian Reform Secretary Conrado Estrella III kas caretaker ti gobierno kabayatan nga awan ditoy pagilian ni Presidente Ferdinand Marcos Jr.
Nagbiahe ni Marcos idiay South Korea itay aldaw, tapno dar-ayan ti Asia Pacific Economic Cooperation Meeting kadua ti delegasionna.
Dagiti tallo nga opisial ti temporario a mangimaton iti operasion ti gobierno ken agaramid iti addang bayat nga awan ditoy pagilian ti presidente.
Kadua iti delegasion ti presidente da First Lady Liza Araneta-Marcos, Foreign Affairs Secretary Maria Theresa Lazaro, Trade and Industry Secretary Maria Christina Roque, DSWD Secretary Rex Gatchalian, ken PCO Secretary Dave Gomez.
Maipalagip nga idi napalabas nga aldaw ket naggapu idiay Malaysia ti presidente ken dimmar-ay iti 47th ASEAN Summit and Related Summits.
