--Ads--
Tallo a miembro ti gabinete ti nadutokan nga agbalin a caretaker ti gobierno bayat ti kaadda idiay Malaysia ni Presidente Ferdinand Marcos Jr tapno dumar-ay iti 47th ASEAN Summit and Related Summits manipud October 26 agingga 28, 2025.
Dagiti caretaker ket da Executive Secretary Lucas Bersamin, Education Secretary Sonny Angara, ken ni Agrarian Reform Secretary Conrado Estrella III.
Immunan a pinasingkedan ti Department of Foreign Affairs, manamnama nga ital-o ni Marcos ti interes ti pagilian iti taripnong, agraman ti 14 leaders-level meeting ken tallo a signing ceremony.
Maaddaan pay ti bilateral meetings ni Marcos iti maysa a lider, ken mapagpapatangan dagiti mainaig iti kappia, seguridad, ken maritime cooperation.
-- ADVERTISEMENT --
