--Ads--
Nagkiddaw ni Senador Imee Marcos ken ni Presidente Ferdinand Marcos Jr nga ikkaten pay laeng iti puesto dagiti 3 nga opisial ti National Bureau of Investigation.
Dayta ket kabayatan a maisaysayangkat ti imbestigasion iti mapapati a panagpaputok iti paltog iti uneg ti Senado.
Iti surat ti senador, kiniddawna ti temporary relief kada NBI Director Melvin Matibag, NBI-National Capital Region Chief Emeterio Dongallo Jr., ken ni NBI-Organized and Transnational Crime Division Jerome Bomediano.
Segun ken ni Marcos, ti addang ket tapno mapagtalinaed ti kredibilidad ken integridad ti imbestigasion.
-- ADVERTISEMENT --
