Imbilin ni Presidente Ferdinand Marcos Jr. iti gabinete na a padarasen dagiti priyoridad a programa ti gobierno tapno maitandudo ti panagdur-as ti ekonomiya iti baet ti mapadpadasan a karit.
Pinasingkedan ni Executive Secretary Ralph Recto a dimmalan iti regular assessment dagiti maidurduron a darakkel a proyekto ti gobierno.
Segun ken ni Recto, umaboten iti P1.287 trilyon ti nairuar a pondo para it second quarter ti tawen tapno mapondoan dagiti nadumaduma a programa.
Innayon pay ti opisial nga adda dagiti ahensia a nadakamat nga underspending ket kayat ti Presidente a dagus daytoy a marisut.
Lima nga ahensia ti gobierno ti agig-iggem ti darakkel a proyekto ti nabilin nga aramaten ti pondo da tapno marisut ti gap iti nagbaetan ti disbursements ken releases.
