Opisyal nga ilukat ti Department of Education (DepEd) ti Brigada Eskwela 2025 ita nga aldaw, June 9, 2025 isu nga allukoyen ni Education Secretary Sonny Angara dagiti Pilipino a tumulong iti panangdalus kadagiti pagadalan ken awaten ti naun-uneg a misyon ti kampania a bayanihan ken edukasyon para iti amin.
Segun ken ni Angara, ti Brigada Eskwela ket saan laeng a panangsimpa kadagiti pagadalan ta maysa pay a bayanihan a tignay.
Allukoyenna amin nga education champions ken partners a makipaset saan laeng iti panangdalus kadagiti pagadalan nu diketdi ipaayan dagiti ubbing iti supportive nga aglawlaw tapno makabasa.
Ti Brigada Eskwela ket mangrugi ita nga aldaw nga agpaut agingga June 13 babaen ti tema ita a tawen a “Brigada Eskwela: Sama-sama Para sa Bayang Bumabasa”, a maipaganetget ti kritikal a koneksyon ti nagbaetan ti community involvement ken literacy development.
Impaganetget pay ni Angara ti kinpateg ti pannakipaset iti amin nga uray basst a banag, panangipaay man iti oras, supplies wenno efforts ket mangibati iti napaut nga impact.
