VIGAN CITY-Kinemmeg dagiti otoridad ni Dario Nolasco, agtawen ti 52 , naasawaan, maysa a gunsmith ken Brgy. Kagawad ti Beddeng Daya, Vigan City ken ni Roderick Domingo, agtawen 27 , baro , security guard ken taga Poblacion, San Ildefonso iti naisayangkat a buy-bust operation idiay Pangada ,Sta Catalina.
Segun kenni PS/Insp. Christopher Ramat, officer-in-charge ti Sta. Catalina Municipal Police Station, naala iti ikot ni Nolasco ti maysa a caliber 45 ken maysa a magazine nga adda 6 a bala na idinto a ni Domingo ket naalaan iti maysa a caliber 38 paltik revolver a buy-bust item ken P2,000 a buy-bust money ken idi kinapkapan ida dagiti otoridad ket naala kadakuada iti saggaya a sachet ti maatap a shabu .
Kaso a panaglabsing iti RA 9165 wenno Comprehensive Dangerous Drugs Act of 2002 ken RA 10591 wenno Illegal Possesion of Firearms and Ammunition ti posible a sanguen dagiti suspek.
