Nadundunor ti driver ken kaduana kalpasan a nagbaliktad ti dump truck a naglugananda iti national highway idiay Barangay Banaoang, Santa, Ilocos Sur itay ala una iti malem, June 9, 2026.
Ti nagmaneho ti Red Isuzu Dump Truck ket lalaki nga agtawen iti limapulo ket maysa; ken kaduana a lalaki, agtawen iti tallopulo ket walo, naasawaan nga agpada nga agnaed idiay Barangay Banaoang, Bantay.
Iti inisyal nga imbestigasyon, ti nasao a dump truck ket agpapaamianan a direksyon idi nadanonna iti nasao a lugar ket kellaat a mapapati a napaay a nagpreno ti driver isu a naawanan iti kontrol ket nagbaliktad iti roadway.
Gapu dayta ket nadunor ti driver ken kaduana iti agduduma a paset ti bagida isu a naipanda iti Ilocos Sur Provincial Hospital – Gabriela Silang para iti pannakatamingda.
Iti agdama ket madalananen amin a lugan iti nasao a paset kalpasan iti aksidente.
