Nagibales iti United States kadagiti airstrike kontra iti Iran kalpasan nga inakusaran ni US Pres. Donald Trump ti nasao a pagilian iti panagatake iti maysa a US helicopter idiay Strait of Hormuz a gappuanan ti insigida a military response.
Segun ti US military, nangrugi ti operasyon iti alas singko iti malem iti Eastern Standard Time kas tignay iti mapapati a panagswek iti Apache helicopter.
Impaganetget ti Amerika a “proportional response” ti naisayangkat nga strike kontra iti inawaganda nga “unjustified Iranian aggression”.
Naammoan a naisalakan dagiti dua a piloto iti helicopter babaen ti maysa nga unmanned sea drone ken naiyakarda iti natalged a lugar.
Kinuna ni Trump a natalged ken awan ti sinagaba a dunor dagiti dua a crew ngem impaganetgetna a kasapulan iti Amerika nga agtignay iti insidente.
