Awan ti nadangran iti pannakatukbob ti utility jeep iti maysa a heavy trailer iti national highway idiay Barangay San Juan, Sta. Lucia, Ilocos Sur idi rabii, June 9, 2026.
Ti nagmaneho iti stainless utility jeep ket lalaki nga agtawen iti innem a pulo ket pito, holder iti driver’s license nga agnaed idiay Barangay Tablac, Candon City.
Ti met nagmaneho ti White heavy trailer ket maysa nga agtawen iti uppat a pulo, naasawaan a holder iti driver’s license nga agnaed idiay Barangay Tabang, Guiguinto, Bulacan.
Maibasar iti CCTV footage, ti heavy trailer ket simrek iti national highway manipod daya nga agturong iti bagatan idin tinukbob ti napaspas iti patarayna a utility jeep.
Gapu dayta ket naaddaan iti damage dagiti dua a luganb ngem saan pay nga ammo no mano ti gatad dagiti nadadael a paset.
