Pinasingkedan ti Ilocos Sur Electric Cooperative, Inc. (ISECO) nga adda latta dagiti gundaway a saan a maliklikan iti kellaat a panagawan iti suplay ti kuryente bayat iti natudo a panawen gapu iti agduduma a rason.
Iti pannaki-uman ti Bombo Radyo Vigan ken ni Ernesto Galla manipod ISECO, agduduma iti rason no apay nga adda dagiti lugar a kellaat lattan a maawanan ti kuryente gapu iti epekto iti habagat, napigsa nga angina ken panagtudo.
Kinunana a kagiddan ti nabara a panniempo ken kellaat a panagtudo ket adu iti mabusted ti linyana wenno ti protective devices, isu nga adda dagiti bigla nga ag-spark no mabasa gapu ti tudo.
Inlawlawagna a babaen ti nasao a banag ket kumapsot wenno ma-stress iti insulators a gappuanan iti panagiddep ti taray ti kuryente.
No pay kasta idi kallabes ket naaddaan iti agduduma a rason no apay a nagawan iti kuryente kadagiti dadduma a paset ti probinsia ta idiay Casili, Sto. Domingo ket napugsat iti primary line-da; nag-busted iti lighting arrested iti Quirino Blvd., ken natupakan ti linya iti kuryente idiay Caoayan ken Sitio Yungi, Cabaroan Daya, Vigan City.
