Agpada a nadunor dagiti nagkalugan iti motorsiklo kalpasan iti pannakaidungparda iti sarsarunwenda a kotse iti national highway idiay Barangay Suso, Sta. Maria, Ilocos Sur idi kalman, June 9, 2026.
Ti nagmaneho iti Blue/Black Yamaha Aerox 155 ket lalaki nga agtawen iti duapulo ket tallo, baro, mannalon, nagaramat ti helmet, holder iti valid driver’s license; kaduana ti maysa a lalaki nga agtawen iti duapulo ket maysa, a nagusar met laeng iti helmet nga agpada nga aganed idiay Barangay Man-atong, Suyo, Ilocos Sur.
Ti nagmaneho met iti Ford Fiesta ket babai nga agtawen iti limapulo ket lima, Overseas Filipino Worker (OFW), holder iti International Driver’s License nga agnaed idiay Barangay Bagong Flores, Lupao, Nueva Ecija.
Agpada nga agpapaamianan a direksyon dagiti dua a lugan ngem bayat iti panagsikko ti kotse ket kellaat nga impadas ti nakamotorsiklo a nag-overtake a gappuanan iti pannakaidungparda iti front-left fender iti kotse ken gappuanan ti pannakatumba dagiti nagkalugan iti motorsiklo.
Gapu ti minor injuries a sinagaba dagiti nagkalugan iti motorsiklo ket naipanda iti Ilocos Sur District Hospital – Narvacan para iti naan-anay a pannakatamingda idinto a saan a naan-ano ti driver ti kotse.
