Natay ti backrider kabayatan a nadunor ti agduduma a paset ti bagi ti nagmaneho ti motorsiklo kalpasan a na-aksidente da idiay national road sakupen ti Barangay Lubing, ili ti Burgos.
Ti nagmaneho ti Honda Click ket agtawen ti tallopulo ket pito a residente ti Barangay Apatot, San Esteban, back rider na ti agtawen ti innem a pulo ket innem, balo, tubo ti Cagayan ngem agdama a residente t Baranagay Apatot.
Basar iti imbestigasion, ti motorsiklo ket bumaba iti nadakamat a lugar nga agturong iti abagatan a direksion ket idi magteng da ti nakapasamakan ti insidente, naawanan ti preno ti motorsiklo.
Pinadas ti nagmaneho a pasardengen ti lugan babaen ti panangidungpar na iti kabambantayan a paset ti kalsada ngem natinnag da iti dalan, rason ti pannakadunor dagiti agduduma a paset ti bagi da.
Dagus a naitaray dagiti biktima iti balay pagagasan ngem pimmusay ti backrider ti motorsiklo bayat a maag-agasan.
