Impasigurado ti Armed Forces of the Philippines nga agtaltalinaed a natibker ti seguridad ti pagilian ken awan ti mamon-monitor a “credible direct threat” iti teritoryo ti Pilipinas wenno kadagiti Pilipino iti tengnga ti tension idiay Middle East.
Pinasingkedan ti AFP a nainget a makibin-binulig da iti Department of National Defense ken dadduma pay nga ahensia ti gobierno tapno bantayan ken i-monitor ti sitwasion.
Nagbalaag met ti militar iti publiko nga agtalinaed a kalmado, agbalin a nasirib kontra disinformation, ken agtalek laeng kadagiti beripikado nga impormasion manipud iti gobierno.
Nakasagana ti AFP a mangipatulod ti puwersa para iti repatriation ken crisis response para kadagiti Pilipino nga apektado ti lugar no kas bilang ibilin ti gobierno.
