Pinagkedkedan ni Defense Secretary Gilberto Teodoro Jr. ti panawagan ti dagiti sumagmamano a dati a negosiyador a lukatan manen ti peace talks iti communist group ken New People’s Army (NPA).
Pinasingkedan ni Teodoro a saan isuna nga umanamong iti aniaman a negosasion gapu dagiti Pilipino ti adda iti kappia, ken dagiti rebelde ti mangriribuk.
Nagiruar ti panawagan ti dati a miembro ti exploratory team para iti backchannel talks kalpasan ti engkwentro idiay Negros Occidental a nakatayan ti sangapulo ket siam a tattao.
Segun kadakuada, dati nga immabot iti punto nga asidegen a maaddaan ti interim peace agreement ti gobierno ken CPP-NPA-NDF.
Ngem impaganetget ni Teodoro a ti pannakipatang kadagiti rebelde ket kasla panangted ti legitimacy iti terorismo-da, banag a saan na a maawat.
