Bimmwelta ti Chinese Embassy in the Philippines ni Department of National Defense (DND) Secretary Gilberto Teodoro Jr. mainaig iti pannakakemmeg iti 69 a Chinese workers iti steel plant idiay Tagoloan, Misamis Oriental.
Maipalagip a ni-raid dagiti otoridad ti maysa nga steel manufacturing plant iti nadakamat a lugar ket dita a nasarakan ti 69 a Chinese nationals ken maysa a Pilipino a maipagarup nga agog-iggem dagiti posible a delikado wenno noxious a materyales.
Dimmalan iti inquest proceedings dagiti trabahador, idinto a ti lima nga incorporators ti kompania a Phil. Sanjia-Steel Corp. ket agtaltalinaed nga at-large.
Indauloan da Teodoro ken PAOCC Executive Director Ret. Gen. Benjamin Acorda Jr. ti inspeksion iti pasilidad iti uneg ti PHIVIDEC Industrial Estate, maysa a semi-autonomous GOCC nga adda iti salinong ti Department of National Defense.
Segun ken ni Teodoro, ti planta ket maipagarup a kukua ti Chinese businessman a ni Tony Yang wenno Yang Jian Xin, dati nga inaklon na a san isuna a lehitimo a Pilipino.
