Pinasingkedan ti Malakanyang a saan a rumbeng a maidalan ti kinaranggas iti aniaman a pannakilaban iti kabaybayan kasaruno iti panangdangran dagiti kameng ti Chinese Coast Guard (CCG) ti kameng ti Philippine Navy idiay Ayungin Shoal.
Segun ken ni Palace Press Officer Atty. Claire Castro, kinondenar ni Pres. Ferdinand Marcos Jr. ti napasamak a kinaranggas ken sinuportaranna ti nagbalin a posisyon ti Department of Foreign Affairs (DFA) ken Department of National Defense (DND).
Segun ken ni Castro, saanda a maawat ti inaramid ti China kadagiti kameng ti Philippine Navy ken saan a pagsarsaritaan dayta iti kadakkel ti teritoryo, ti pigsa ti puersa no diketdi pannakilaban ti kinapudno ken karbengan.
Impaganetget ni Castro a takderan ti gobierno ti karbengan idiay West Philippine Sea ken aniaman a maaramid nga addang dagiti opisyal ket suportaran ti Malakanyang.
