Suportado ni Philippine Coast Guard spokesperson for the West Philippine Sea Rear Admiral Jay Tarriela ni Department of National Defense (DND) Secretary Gilberto Teodoro Jr. iti panawagan nga agikkat iti puwesto dagiti opisial ti gobierno a kumadkadwa iti China.
Pinasingkedan ni Tarriela a saan a kasapulan nga inaganan dagiti public officials a saan a tumaktakder para iti posision ti Pilipinas iti West Philippine Sea f gapu ta ammo da ti bagbagi-da.
Iti social media account-na, nangidatag dagiti pagannurotan no kasano a maammuan a ti maysa nga opisial ti gobierno ket pro-China.
Maipalagip nga immuna nga impaganetget ni Defense secretary Teodoro a ti posision ket nakaipalaon iti Administrative Order 29 a mangtratratar iti Philippine maritime zones.
Innayon pay ni Teodoro a ti posision ti gobierno ket makasapul a naka-basar iti tignay saan laeng iti pammati ti maysa nga indibidwal.
