--Ads--
Insalakan ti Philippine Coast Guard (PCG) ti walo a tripulante, pakairamanan ti kapitan, ti M/B Rose Marie 1 kalpasan a paset a limned ti motorized banca iti baybay iti asideg ti Dalupiri Island idiay Calayan, Cagayan idi Sabado, Oktubre 31.
Agturong ti barko manipud Calayan nga agpa-Claveria idi nasabatna ti napigsa nga ayus ken dalluyon a nakaigapuan ti insidente.
Dagus nga inwayat dagiti otoridad ti search and rescue operation a nagresulta iti natalged a pannakaisalakan dagiti amin a walo a tripulante.
Naipan dagitoy iti Calayan Rural Health Unit para iti medical assessment, a sadiay ti maysa ket nagsagaba iti pannakadangran ti tulang, tallo ti na-evaluate para iti posible a hypertension ken lima ti nasayaat ti kasasaadda.
-- ADVERTISEMENT --
