--Ads--
Nainget a pinagkedkedan ti Department of National Defense ti panawagan ti China nga isardeng ti Pilipinas dagiti addang ken takderda maipanggep ti Bajo de Masinloc.
Segun ti DND, paset ti teritoryo iti Pilipinas ti Bajo de Masinloc, ken dagiti karbengan iti pagilian kadagiti maritime zone-da ket mayannatup iti United Nations Convention on the Law of the Sea (UNCLOS) ken iti 2016 Arbitral Award.
Impaganetget ti ahensia nga agtultuloy ti Pilipinas ti legal a panagaramat ti soberanya iti Bajo de Masinloc ken saan a paatiw iti sarita ken ar-armiden iti China.
