Kinumpirmaran ni AR Dela Serna, a dati nga executive assistant ni dati a presidential spokesperson Harry Roque a naaddaanda iti joint bank account a mapapati a naaramat iti election.
Ti nasao nga isyu ket sungbat ni Dela Serna iti interpellation ni Lone District Sta. Rosa, Laguna Rep. Dan Fernandez, a chairperson iti House Committee on Public Order and Safety, iti baet iti imbestigasyon ti quad committee iti Kamara inaig iti POGO ken ilegal a droga.
Inlawlawag ni Dela Serna nga umabot iti P3 milyon iti kadakkelan a naideposit iti joint account ngem naisarran iti nasao nga account.
Impaganetgetna a naaramat ti kuarta iti joint account para iti election staff ni Roque.
Maipalagip a nagpaidasig iti kina-senador ni Roque idi 2022 ngem napaay a nakastrek iti Majic 12.
Idi Hulyo ket imbutaktak ti PAOCC nga adda natakuatanda a mapapati a bank documents da Roque ken Dela Serna iti na-raid a POGO Compound idiay Porac, Pampanga.
