Mamati ti Malakanyang a diversionary tactics laeng dagiti damag a maipagarup a nakemmeg ni Senator Bato Dela Rosa.
Inallukoy ti Malakanyang iti publiko nga agbalin a nasirib ken ammoen ti naggapuan ken motibo ti impormasion nga agwarwaras sakbay daytoy a patien.
Segun ken ni Palace Press Officer Atty. Claire Castro nga awan ti naan-anay a konteksto dagiti iwar-waras da Atty. Jimmy Bondoc ken Harry Roque mainaig ken ni Sen. Ronald “Bato” dela Rosa.
Pinasingkedan ni Castro a kasla ‘timing’ laeng daytoy tapno maiyaw-awan ti atension ti publiko manipud iti naibutaktak ti Commission on Audit mainaig iti maipagarup a saan a naresibwan a panag-gastos ti confidential funds ti Office of the Vice President ken Department of Education it salinong ni Vice President Sara Duterte.
