Nakasaganan para iti pinal a panangaprubar dagiti priyoridad a gakat iti panaglukat ti maikadua a regular session ti Kamara ita nga aldaw kagiddan ti SONA ni Presidente Ferdinand Marcos Jr.
Kasaruno ti balligi nga umuna a regular session no sadino nasurok 160 a gakat ti naipasa iti Senado ken 26 iti 52 a gakat ti Legislative-Executive Development Advisory Council (LEDAC) ti naaprobaran iti maikatlo ken pinal a panagbasa.
Segun ken ni House Majority Leader Sandro Marcos, pammaneknek dagiti nakasagana a gakat nga agtultuloy ti panagtrabaho ti Kamara uray iti panawen ti recess.
Pinasingkedan ni Marcos a nalawag ti agenda para iti panagdur-as nga indatag ni Presidente Marcos ken ti panangidaulo ni House Speaker Faustino “Bojie” Dy III ti Kamara tapno maitandudo daytoy manipud iti komite agingga plenaryo.
