--Ads--
Napalaus ti ragsak ken panagyaman ti maysa a registered librarian kalpasan a makapasa ti licensure examination ita a bulan.
Iti pannakiuman ti Bombo Radyo Vigan ken ni Rona Angelica Peros, ingaed na ti agadal ken nag-review tapno magun-od ti arapaap na.
Inaklon na nga adda dagiti nagrigatan na iti panagbasa ken panag-review na ken adda pay ti gundaway a kayat na a sumukon.
Nupay kasta nagtalek isuna iti kabaelan na ken ti pammati na kadagiti nagannak ken mamati kaniana isu a pinagbalin na daytoy nga inspirasion.
-- ADVERTISEMENT --
Iti agdama, balakad dagiti nagannak ni Peros nga aginana pay laeng isuna bayat a maiur-uray ti oath-taking.
Impanamnama pay ni Peros a no kas bilang makabiruk to isuna ti trabaho ket tumulong ken agsubad to iti rigat dagiti nagannak na.
