--Ads--
Imbasura ti Supreme Court En Banc ti napagtipon a petision ni Vice President Sara Duterte ken sumagmamano nga abogado nga agkidkiddaw nga ipasardeng ti impeachment proceedings kontra iti bise presidente.
Segun iti Korte Suprema, awanen ti masapul a madesisyonan kadagiti petision gapu ta naipatuloden ti House of Representatives ti Articles of Impeachment iti Senado ken agdama a maisaysayangkat ti impeachment trial.
Maipalagip nga idi Mayo, impasa ti Kamara iti Senado ti Articles of Impeachment kontra ken ni VP Sara.
Pinasingkedan ti Korte Suprema a dagiti isyu a nakaipalaon iti petition ket nagbalin a moot wenno maibilang a saanen nga agkasapulan ti resolusion.
-- ADVERTISEMENT --
