Sagsaganaanen ni Pinay Tennis Star Alex Eala ti pannakilabanna iti round of 32 iti Miami Open.
Nakaituding ngamin a makasangona ti Polish tennis player a ni Magda Linette.
Ti 34 years old a ni Linette ket adda highest career ranking-na a sangapulo ket siam a nagun-odna idi March 2023.
Iti walo a finals iti WTA tour ket tallo iti napangabakanna a titulo.
Immabot pay isuna iti semifinals iti 2023 Australian Open.
Maipalagip a nakastrek iti round of 32 ti 20 years old a ni Eala kalpasan nga inabakna ni Laura Siegemund iti Germany.
Iti umuna a set ket napaay ti Pinay tennis star ngem iti panagserrek iti maikadua ken maikatlo a round ket impakitana iti kinaagresibona.
Maibilang a maysa a rematch ti laban iti dua ta nagsangodan idi Enero iti Auckland ASB Open.
