Imbilin ni US War Secretary Pete Hegseth ti panangikkat iti 5,000 a tropa a suldado manipod idiay Germany agingga inton sumaruno a tawen kas pinasingkedan ti Pentagon.
Ti pakaammo ket kalpasan ti immunan a pangta ni US Pres. Donald Trump nga ikkaten dagiti tropa manipod iti kaalyadoda iti North Atlantic Treaty Organization (NATO) a Germany kagiddan ti gura ken ni Chancellor Friedrich Merz a nagkuna nga ibabain iti Iran ti US iti negotiating table.
Kinontra met ni Trump ti pananganamong ni Merz ti ideya iti kaadda ti Iran ti Nuclear Weapon.
Segun ken ni Pentagon spokesman Sean Parnell, namnamaenda a makompleto ti withdrawal dagiti suldadoda iti sumaruno nga innem agingga sangapulo ket dua a bulan.
Iti listaan idi December 31, 2025 ket 12,662 active-duty US troops idiay Italy; 3,814 idiay Spain idinto a ti Germany ket adda 36,436 a tropa iti Amerika.
