--Ads--
Dua a Pilipino ti natay idinto a sumagmamano pay ti nadunor kalpasan a ma-aksidente ti maysa a tour bus nga adda nakalugan a nasurok-kumurang 40 agingga 50 a Filipino nationals iti A96 highway asideg idiay Buchloe, Bavaria, Germany.
Kinumpirma ti Philippine Consulate General iti Frankfurt nga agdama da a makibinbinnulig kadagiti otoridad ti Germany ken nakasagana a mangted ti consular assistance kadagiti apektado ken dagiti pamilia-da.
Segun iti imbestigasion, nagsikko ti bus iti highway iti laud ti Munich sakbay a nagbaliktad.
Agtultuloy ti imbestigasion dagiti otoridad tapno mammauan ti rason iti napasamak nga aksidente.
-- ADVERTISEMENT --
