Umaboten iti nasurok sangagasut iti natay idinto a 390 ti mapagduduaan a kaso iti Ebola iti Democratic Republic of Congo kas pinasingkedan ti Africa Centers for Disease Control and Prevention.
Nairekord pay ti virus idiay Uganda a nakakumpirmaran iti dua a kaso ken maysa iti natay.
Karaman kadagiti kumpirmado a naakaran ti maysa nga American doctor idiay Congo a maipan idiay Germany para iti panagpaagasna.
Immunan nga indeklarar ti World Health Organization (WHO) ti outbreak kas public health emergency of international concern ngem adayo nga agbalin a pandemic, ngem imballaagna ti nainget a panangsurot kadagiti pagannurotan, kangrunaan iti panangitabon dagiti natay gapu iti nangato a peggad nga agwaras iti virus.
Nangipatungpal pay ti border screening dagiti kaasideg a pagilian kas Rwanda ken Nigeria kas addang iti panangliklik iti virus.
