Nagprotesta dagiti healthcare worker iti maysa nga Ebola treatment center idiay Bunia, laud ti Congo gapu iti saanda pay a naawat a dua bulan a performance bonus-da.
Gapu dayta, temporaryo a naitantan ti pannaka-aywan dagiti pasyente iti baet ti napaspas a panagadu dagiti kaso ti Ebola iti pagilian.
Iti kaudian a rekord, umabot iti 2,973 ti kumpirmado a kaso ti Ebola idiay Congo, agraman ti 1,309 a natay.
Nakurang 90 percent met dagiti kaso ket nairekord iti probinsia ti Ituri.
Segun kadagiti otoridad, masimsimpan ti panagbayad kadagiti mental health worker.
Kabayatanna, agtaltalinaed latta a dakkel a karit iti panangparmek iti outbreak ti kinakurang iti pondo, armado a riribuk, panagatake kadagiti health center, ken kinaawan ti aprubado a bakuna wenno pangagas para iti Bundibugo strain ti Ebola virus.
