Pinaglibakan ti Malakanyang iti mapapati a panagwaras ti dokumento iti Senado ti P150 billion a naisingit a pondo wenno pork barrel iti 2025 national budget.
Segun ken ni Palace Press Officer Claire Castro, itada laeng a nanggeg ti damag maipanggep iti nasao a dokumento ngem saanda nga ibilang nga isyu ta awan ti nakadanon a kopya wenno reklamo kadakuada.
Iti agwarwaras a dokumento idiay Senado, binilyon a pisos a pork barrel funds iti nailatang kadagiti dadduma a lugar a kas idiay Bulacan nga adda P12 billion, Sorsogon a P9 billion, Mindoro nga adda P8 billion, Batangas a P7 billion ken dadduma pay.
Immunan a pinasingkedan ni President Ferdinand Marcos Jr. a dimmalan iti nainget a panangadal ti 2025 national budget sakbayna a pinirmaan tapno masigurado nga awan ti nakasingit a saan nga otorisado a proyekto ken programa iti national budget.
VIDEO – PALACE PRESS OFFICER CLAIRE CASTRO
