Immapela ti grupo a Philippine Society for Developmental and Behavioral Pediatrics dagiti nagannak ken dagiti guardian a nainget a bantayan dagiti minor nga annak iti aniaman a serkenda nga online activities.
Dinakamat ti grupo ti inrekomendar ti Philippine Pediatric Society (PPS) a saan a rumbeng a maaddaan ti unsupervised access iti social media dagiti ubbing nga agtawen iti sangapulo ket innem agpababa.
Impaganetgetda a kasapulan a masalakniban dagiti ubbing manipod napeggad nga online content a mabalin a makaapektar wenno maka-impluwensta iti tignayda.
Karaman dayta dagiti content a saan a mayannatup iti tawenda, napeggad a patangan, dagiti pangta, video iti kinaranggas ken dadduma pay a pangta a rumrummuar iti digital space.
Segun ti grupo a bukbuklen dagiti pediatricians ken dagiti eksperto, vulnerable dagiti ubbing nga addaan wenno datin a nakitaan iti developmental, behavioral ken mental health need’s iti exposure-da iti digital space.
Kinunana a saan a mare-regulate ti rumrummuar iti online ken ti exposure-da kadagiti pangta a content ket posible a maka-impluwensya kadakuada.
Impaganetget ti grupo a kasapulan a maregulate ti access dagiti ubbing iti digital space kangrunaan no saan a kabaelan nga i-regulate iti gobierno dagiti rumrummuar a content iti online.
