Target ti Department of Education a maka-deploy ti 10, 000 School Counselor Associates (SCA) kadagiti pampubliko a pagadalan iti intero a pagilian sakbay a malpas ti tawen tapno papigsaen ti mental health ken psychosocial support para kadagiti estudyante.
Segun iti DepEd, padpadarasen da ti recruitment process partikular kadagiti pagadalan nga adda nairekord na a kaso ti bullying wenno nangato ti pagkasapulan ti mental health services.
Iti agdama, umaboten iti nasurok 9, 000 SCA ti nai-post iti Agile Gateway for Appointments and Placements (AGAP), ti digital hiring platform ti DepEd.
Iti nadakamt a bilang, 785 a posision ti nakalukat para iti aplikasion, 8, 811 ti dumal-dalan iti assessment ken 106 iti ada ti appointment stage.
Ti nabatbati a 298 posision ket maiur-uray pay ti Notice of Organization, Staffing and Compensation Action (NOSCA) wenno saan pay a nai-post.
Segun ken ni DepEd Secretary Sonny Angara, saan laeng a physical security measures ti kasapulan tapno mapagtalinaed a natalged dagiti pagadalan.
