Papa-imbestigaran ni Senate President pro-tempore Tito Sotto III ti epekto kadagiti agtutubo iti napalaus nga screen time ken pannaka-expose dagiti ubbing kadagiti napeggad nga online content.
Kangrunaan a paimbestigaran ti senador ti epekto ti mental health, kinatalged, moral development ken pakabuklan a pagsayaatan dagiti agtutubo a napalaus a na-expose iti social media.
Paimbestigaranna pay ti panagpangato ti bilang dagiti agtutubo a karaman iti kinaranggas, cyber-related offenses, ken dadduma pay a madi nga ugali nga adda pakainaigan iti panagaramat iti social media.
Binigbig ni Sotto a ti panagaramat ti digital technology a na-expose dagiti agtutubo iti cyberbullying, online sexual exploitation, grooming, self-harm content, misinformation ken gambling related materials.
Adda pay panagadal a ti napalaus nga screen-time kadagiti agtutubo ket gappuanan iti nakaru nga anxiety, depression, sleep disorder ken dadduma pay a mental health concerns.
