--Ads--
Impatungpal ti Department of Educaton dagiti sumagmamano nga addang mainaig iti nagsasaruno a kinaranggas iti uneg dagiti pagadalan iti pagilian.
Karaman kadagiti addang ti panang-hire kadagiti 10,000 nga School Counselor Associate 1, kasta payen ti panangirusat iti Learners Telesafe Contact Center Helpline #33733 a konektado iti National Center for Mental Health (NCMH) crisis hotline.
Segun iti DepEd, daytoy ket para iti dagus a panangipaay iti professional intervention kadagiti tumawag nga estudiante nga adda paglaslasatan ti mental health-da.
Nupay kasta, saan met a natalek dagiti dadduma a nagannak a makanay daytoy tapno suportaran ti mental health dagiti estudiante.
-- ADVERTISEMENT --
