Nakasagana ti Armed Forces of the Philippines (AFP) a tulongan ti Philippine Coast Guard (PCG) iti panangikkat ti floating barrier nga impan dagiti Chinese vessels idiay Bajo de Masinloc idiay West Philippine Sea.
Dagiti floating barriers ket impan ti Chinese vessels iti southeast entrance iti Bajo de Masinloc idi March 24 tapno maliklikan dagiti Philippine vessels a sumrek iti shoal.
Segun ken ni Rear Admiral Roy Vincent Trinidad a Philippine Navy spokesperson for West Philippine Sea, nainget ti pannakikammayetda iti Coast Guard ken Northern Luzon Command ket animan a tulong a kasapulan manipod AFP ket sisasaganada a mangipaay.
Naipanen ti floating barrier idi insayangkat ti PCG ken Bureau of Fisheries and Aquatic Resources ti maritime domain awareness flight idiay Bajo de Masinloc.
Kinunana nga ipapan latta dagiti Chinese vessel iti barrier nu mamonitorda ti presensya iti PCG, BFAR wenno Filipino fishing vessels.
