Binisita ni Armed Forces of the Philippines Chief of Staff Gen. Romeo Brawner Jr. dagiti nakaimasayag a dua nga airmen a natay kalpasan a nagswek iti naglugananda nga eroplano idiay Tuba, Benguet idi May 20.
Personal a nakipagladingit ni Brawner idi Biernes kadagiti naulila a pamilia iti dua nga airmen a natay iti aircraft mishap bayat iti military pilot training flight.
Binigbigna ti serbisyo ken sakripisyo dagiti biktima a da 1st Lt. Ruth Angelique Pasos ken 2nd Lt. Cherky Embudo, nga agpada a karaman iti Military Pilot Training Program iti Philippine Air Force (PAF).
Immunan a kinumpirmaran ti PAF iti panagswek ti SF-260 trainer aircraft idiay Barangay Cabuyao iti 10:30 iti bigat bayat iti navigation exercise.
Paset dayta iti 10 aircraft a pimmanaw iti Fernando Air Base idiay Lipa City ken agturong idiay Baguio City.
