Padpadarasen ti Department of Public Works and Highways (DPWH) ti panagisimpa kadagiti imprastruktura a nadadael kadagiti pannakarpuog iti daga idiay Baguio City ken iti probinsia iti Benguet.
Patta-pattaen ti ahensia nga umabot iti P3 billion ti gastos ken damage ken kasapulan para ti panagisimpa.
Ad-adalen ni DPWH Secretary Vince Dizon iti sumagmamano a lugar idiay Benguet a natamaan iti landslide pakairamanan ti paset ti kalsada idiay Barangay Beckel, La Trinidad a saan a madalanan dagiti motorista.
Maar-aramat iti nasao a kalsada kas pagdalanan manipod Benguet agturong idiay Nueva Vizcaya, isu a dakkel a parikot ti damage para kadagiti motorista ken komunidad a dumaldalan.
Karaman ni Dizon a nag-inspeksyon da Benguet Governor Melchor Daguines Diclas ken Baguio City Mayor Benjamin Magalong.
