--Ads--
Umaboten iti innem ti inreport ti Philippine National Police (PNP) a natay bayat ti panagduprak ti Bagyo Maymay iti pagilian.
Segun ken ni PNP PIO Chief PCol. Allen Rae Co, dua iti nairekord a natay gapu ti landslide idiay Rodriguez, Rizal, kasta pay idiay La Trinidad, Benguet a dua iti natay gapu iti landslides.
Saggaysa met iti naireport a natay idiay La Union ken Alaminos, Pangasinan gapu iti pannakalmes.
Agtultuloy ti validation dagiti otoridad no dagiti nasao a natay iti pannakalmes ket gapu ti bagyo.
-- ADVERTISEMENT --
Kabayatanna, umabot met iti 877 a polis iti naideploy iti panagresponde kadagiti epektado a lugar idinto a nasurok 10,000 dagiti Reactionary Standby Support Force.
