Impasigurado ti Department of Health (DOH) nga ad-adu a medical teams iti naipatulod kadagiti lugar a nadidigra ti Severe Tropical Storm Kristine kagiddan iti agtultuloy a panagmonitor ti healthcare needs kadagiti naapektaran nga umili.
Segun ken ni DOH Spokesperson Assistant Secretary Albert Domingo, naideploy dagiti grupo ti medical professionals kadagiti lugar a naapektaran ti Bagyo Kristine tapno maipaay iti pagkasapulanda kangrunaan kadagiti evacuation centers.
Iti agdama ket tallo a rehiyon iti nakaipasidong ti Code Blue status isu iti Ilocos, Cagayan Valley ken Bicol.
Inlawlawag ni Domingo nga iti salinong ti Code Blue status iti DOH ket agmonitor dagiti operation center a 24/7 tapno masigurado iti listaan manipod field a madanon ti incident commander nga agmanmanehar iti incident command system tapno imonitor iti sitwasyon.
Ti Code Blue ket mangirepresentar ti second-highest alert level iti DOH a gappuanan ti substantial resource monilization, a pakairamanan ti pannakadeploy iti nayon a team tapno maipatungpal ti regular daily operations ken panangipatulod ti tulong kadagiti naapektaran a lugar wenno patient care.
