--Ads--

Nangipaulog ti lima nga aldaw a panangiparit ti panangprotesta iti aglawlaw dagiti sumagmamano a pagadalan ken unibersidad manipud manipud Nobiembre 16 agingga iti 20 kas sungbat iti agtultuloy a protesta ti masa iti intero a pagilian idiay Paris, France.

Saklawen ti pannakaiparit ti 100-meter radius iti aglawlaw ti 10 a secondary schools ken lima nga unibersidad iti kabesera tapno malapdan dagiti riribuk ken pannakalapped ti kalsada.

Segun ken ni Paris Police Chief Patrice Faure, kasapulan ti nasao nga addang gapu ta dagiti protesta iti aglawlaw dagiti pagadalan ket mangpatpataud iti pannakadadael ken agtultuloy a kinaranggas.

Kabayatanna, walo a mayor manipud iti nadumaduma a distrito ti Paris ti naki-uman iti regional education office tapno umawag iti kanayonan a seguridad kadagiti eskuelaan a nabarikada.

-- ADVERTISEMENT --

Agarup 106,000 a tattao ti nakipaset kadagiti protesta iti intero a France, ti maikalima a Sabado iti agsasaruno a panagtignay ti masa manipud idi Oktubre a mangaw-awag iti nasaysayaat a kalidad ken kasasaad ti edukasion iti pagilian.