--Ads--

Inyebkas ni Australian Prime Minister Anthony Albanese ti natibker a panaggayyem ken panagtalek iti tunggal maysa ken positibo a sirmata ti Australia ken Pilipinas para iti masakbayan ti rehion.

Iti naisayangkat a Joint Leaders’ Statement iti anibersario ti Comprehensive Strategic Partnership, pinasingkedan manen dagiti dua a pagilian dagiti prioridad ken panggepda a mangpapigsa iti bilateral relations.

Karaman kadagiti nagun-od a katulagan ket ti panangpapigsa iti panagtagilako ken panagpuonan iti nagbaetan ti dua a pagilian, kasta met ti panangitandudo iti nadalus nga enerhia, climate resilience ken nasaysayaat nga imprastruktura.

Itantandudo met ti dua a pagilian ti ad-adu nga agpapada a gundaway iti edukasion ken panangpapigsa iti seguridad iti baybay kas paset ti nalawlawa a panagtitinnulongda.

-- ADVERTISEMENT --

Segun ken ni Albanese, makatulong ti agtultuloy a panagtitinnulong dagiti dua a pagilian a mangparmek iti epekto dagiti sangalubongan a panagsusupiat, agraman dagiti kadakkelan a krisis ti suplay ti petrolyo ken enerhia iti pakasaritaan, babaen ti panangpapigsa iti energy supply chains.