--Ads--
Impaganetget ni Department of Foreign Affairs (DFA) Secretary Ma. Theresa Lazaro ti kinapateg dagiti progresibo nga addang iti banag ti panagsubli ti Myanmar iti napolitikaan a pannakabagi iti Association of Southeast Asian Nations (ASEAN).
Sigun ken ni Lazaro, masapul nga umuna a matingiting ti sungbat ti Myanmar iti Five-Point Consensus sakbay nga usigen ti sumaruno nga addang.
Impaganetgetna pay a kasapulan a mapasardeng ti kinaranggas ken panagbomba nga agtultuloy a pakaigapuan ti panagbagkuit dagiti umili idiay Myanmar.
Kinuna ti sekretario nga agtultuloy a bantayan ti ASEAN dagiti addang ti Myanmar tapno mataming ti panagrang-ayna sakbay a maisubli ti napolitikaan a pannakabagi iti rehion.
-- ADVERTISEMENT --
