Inawagan ni Atty. Paolo Panelo, spokesperson ni Vice President Sara Duterte, nga “unnecessary” ken “irrelevant” dagiti rekord ti Anti-Money Laundering Council (AMLC) a naipasango iti impeachment trial ti bise presidente.
Pinasingkedan ni Panelo a saan a napatibker ti testimonia ni AMLC Executive Director Atty. Ronel Buenaventura ti kaso ti House prosecution panel.
Impaganetget na pay a misleading ti kabuklan a P4.4 bilyon inflows ken outflows a naidatag iti impeachment trial gapu ta mabalin a karaman dituy ti doble-doble a naiyakar iti agduduma nga account iti time deposit.
Innayon ti abogado a maipagarup a naipasango ti AMLC records tapno i-mislead ti publiko ken parwaren a bilyonaryo ni Duterte ken ti asawa na a ni Atty. Manases Mans Carpio.
