9 manipud kadagiti 14 nga Schools Division Office ti agbibinnalubal para iti weightlifting event iti Region 1 Athletic Association Meet nga in-host ita a tawen ti Candon City.
Dagitoy nga SDO ket pakairamanan ti Candon City, Pangasinan 2, Laoag City, Dagupan City, Vigan City, Urdaneta City, Ilocos Norte, Ilocos Sur ken San Fernando.
Iti pannaki-uman ti Bombo Radyo Vigan ken ni Tournament Manager Danrylle Basabas, 2 a weightlifter ti mangibagi iti kada SDO.
3 attempts met ti maited iti kada participant para iti snatch ken clean and jerk category.
Inlawlawag ni Basabas a no naglabes iti dagsen ti participant manipud iti dagsenna a naipasa idi preliminaries ket mabalinna latta a sumali iti sumaruno a kategorya.
Kabayatanna, natalgeden ti kasasaad dagiti participant a nagasgasan ti sakana ken naipalikud ti imana idi kalman.
